مرکزی حکومت این جی اوز کارکردگی مانیٹر کرنے کی ہدایات

مرکزی حکومت نے چاروں صوبوں سمیت ازاد کشمیر میں این جی اوزکی کارکردگی مانیٹر کرنے کے لئے تحقیقات کا آغاز کر لیا جبکہ غیر رجسٹرڈ این جی اوز کے خلاف سخت ایکشن اٹھانے کا فیصلہ کرلیا گیا ہے اس وقت ملک بھر میں غیر قانونی این اجی اوز کی تعداد ایک اندازے کے مطابق ساٹھ ہزار کے قریب ہے جن میں زیادہ تر گھوسٹ این جی اوز صوبہ سرحد اور پنجاب میں ہیں اٹھ اکتوبر 2005 ہولناک زلزلے کے بعد ان این جی اوز کی تعداد میں اضافہ ہواان میں زیادہ تر این جی اوز زلزلہ متاثرین کی مدد اور آباد کاری کے نام پر غیرملکی ڈونر ایجنسیوں سے پیسے بٹورنے کے لئے قائم کی گئی2005سے پہلے ملک بھر میں مجموعی طور پر پانچ ہزار کے قریب رجسٹرڈ غیر سرکاری تنظیمیں کام کر رہی تھیں موجودہ وقت میں وزارت سماج بہبود کے ساتھ پندرہ ہزار کے قریب این جی اوز رجسٹرڈ ہیں صوبہ سرحد میں سوشل ویلفیئر ڈیپارٹمنٹ کے ساتھ اس وقت تین ہزار اٹھ سو این جی اوز رجسٹرڈ ہیں جبکہ ایک اندازے کے مطابق 40ہزار غیر رجسٹرڈ این جی اوز صوبہ سرحد اور پنجاب میں موجود ہیں جن میں زیادہ تر صرف ناموں کی حد تک محدود ہیں جن کا کام صرف ڈونر ایجنسیوں سے پیسے بٹورنا ہے پنجاب میں 5338,سندھ میں 5006،بلوچستان میں 1403،آزاد کشمیر میں 329این جی اوز رجسٹرڈ ہیں جبکہ باقی این جی اوز کا کوئی ریکارڈ ہی نہیں ذرائع کے مطابق بعض این جی اوز کی سرپرستی سیاسی رہنما کررہے ہیں جن کو ڈونرز ایجنسی کافی رقم سالانہ دیتی ہے جن کا ترقیاتی کام نہ ہونے کے برابر ہے ،زیادہ تر این جی اوزتعلیم،چائلڈ ویلفئیر ،خواتین کے حقوق ،قانونی امداد ،خصوصی افراد ،ماحولیات،انسانی حقوق ،امور نوجوانان ،فیملی ہیلتھ ،حفظان صحت کے نام سے رجسٹرڈ ہیں سوات اپریشن کے بعد صوبہ سرحد میں متاثرین کی مدد اور آباد کاری کے نام پر بھی بہت سی این جی اوز نے کام شروع کردیا ہے این جی اوز کی بڑھتی ہوئی تعداد اور کوئی قابل ذکر کارکردگی نہ ہونے کے باعث وزارت سماج بہبود نے گھوسٹ این جی اوز کا ڈیٹا بیس تیار کرنے کا فیصلہ کرلیا ہے جن کے خلاف جلد کاروائی شروع کردی جائے گی